باسامح الصاحب اذا عاب مره والثانيه لاعادها قلت مسموح. وان عاب مره ثالثه تحت أمره باسامحه حتى لوالقلب مجروح لكن يبيعك صاحبك طول عمره. ماعادهو صاحب ولاانسان طحطوح. الصاحب الغالي في القلب قدره وموقعه في نيني العين مطروح. الجيد يوفي لك اذا دق صدره والنذل جثه بس جثه بلا روح تعطية من خيرك ويعطيك شره. والقبيلة عنده كما الصفر ممسوح. با او صيك ياصاحب تحاسب لغدره. وان قال اسيبك قله الباب مفتوح.
شعر
أبو فيصل الوركي
June 4th 2015, 6:40 pm
يامرحبا مرحب يخص الجيد في ارض العرب ذي صحبته مكسب ولقيانه بشارة غالية يامن كتب في القلب عنوانه ورقمه واللقب من يكرهك يتعب ومن شافك يشوف العافيه ذي مثلكم مكسب وعند الكل وزنه كالذهب نحزن ونتغرب لفقدان الرجال الواااااااافيه
شعر
أبو فيصل الوركي
June 4th 2015, 1:40 pm
ياعاصفة الابيات يابرق الاشعار سيل القصايد في الليالي الجميله جرح الوطن وسط الحشايا له اثار لاهل الوفاءاهل العقول النبيله هذاوطن تاريخ اصاله واثار محتاج من يبنيه يااهل الفضيله
شعر
أبو فيصل الوركي
June 3rd 2015, 8:34 am
ياعاشق الدنيا تراها محطات تعيش في ديـره وتفنى بديره لاياخذك طرد الهـوى والملذات اذكر محطات الحياه الاخيره853
شعر
أبو فيصل الوركي
June 3rd 2015, 8:32 am
ترحيب ماهلت سحاب الغماما وعد السيوال الناطحه للجبالي وطابت ايامك بخير وسلاما وعساك تسعد يااعز الرجالي وفالختام الشكر لك كل عاما والله يديمك ياسمؤ المعالي
شعر
أبو فيصل الوركي
June 3rd 2015, 8:23 am
يا مرحبا شاعر عرف من حماسه وطرح شامل يحتوي عصف الافكار شاعر محنك عاش مرفوع راسه حب الوطن غالي هدف كل مغوار يبقى العلم ولي يحاول مساسه موعد عقابه ما احتوى سابق انذار فعل الغلط مذموم صعب انعكاسه يفتك بمن خان الوطن سيف بتار
شعر
أبو فيصل الوركي
June 3rd 2015, 8:21 am
كل المشاكل صح لها حل وحلول وكل المشاكل ترجع اليوم سهله لأن الكرامه غير عن شئ مأكول لا طاحت الرجال ما بان فعله أكيد نرجع كلنا أصل وأصول من طاح درب المرجله ما يدله
شعر
أبو فيصل الوركي
June 2nd 2015, 7:33 am
ياذيب مالي في حياتي مطاليب. غير الوفاء ياذيب هو راس مالي. وخوة نشاما دوم تبنى على الطيب. اهل الوفاء واهل العلوم الجزالي. ياذيب حظك في طلوع المراقيب. وتجر صوتك فوق روس الجبالي. وغيري يجر الصوت بين الاجانيب. ويجر مواله على وجد حالي. عز الله ان الوقت هذا تجاريب. وجربت بالدنياء جميع الثقالي. ثابت ولا ضيعت حق ومواجيب. واصبر على هم الزمن والليالي.
شعر
أبو فيصل الوركي
June 2nd 2015, 7:32 am
